*उद्या दि.७ जून शुक्रवारी रोजी होणारं संत मुक्ताबाई प्रक्षाळ पूजा*
अंतर्धान समाधी सोहळा साजरा झाल्यावर आईसाहेब मुक्ताईना आलेला थकवा क्षीणभाग घालवण्यासाठी करण्यात येणारी प्रक्षाळ पूजा उद्या शुक्रवार 7 जून रोजी सकाळी 8 वाजेपासून करण्यात येणार आहेत.
दि.25 मे 4जून पर्यंत संत मुक्ताई अंतर्धान समाधी सोहळा उत्साहात साजरा झाला हजारो भाविकांनी या अकरा दिवसात दर्शन घेतले.यात्राकाळात मंदिर 24 तास खुले ठेवण्यात आले. भाविकांच्या दर्शनाचे गर्दीने मुक्ताई स आलेला थकवा क्षीणभाग घालवण्याकरिता प्रक्षाळ पूजा करण्याची परंपरा आहे प्रक्षाळ पूजेचे दोन भाग असतात उपस्थिताकडून मंदिर गाभारा व परिसर स्वच्छ करतात व विविध औषधी काढे तयार करून अभिषेक केला जातो.यावेळी भाविक मुर्तीला साखरलिंबू लावतात. आरतीनंतर पुरणपोळी नैवेद्य दाखवतात.
भाविकांनी प्रक्षाळ पूजेस उपस्थित राहून मुक्ताई चरणी सेवा रुजू करावी असे आवाहन संत मुक्ताई संस्थान मुक्ताईनगर मुळमंदिर समाधीस्थळाहून अध्यक्ष भैय्यासाहेब रविंद्र पाटील यांनी केले आहे.
