मृत्यूनंतरही जग बघणार ओम भारंबे : कुटुंबाने डोळे दान करून ठेवल्या बाळाच्या स्मृती जिवंत !
संत मुक्ताईनगर : वाल कंमाऊंडचे वजनदार गेट उघडताना अचानक सदरील गेट तुटुन 10 वर्षीय बालकाच्या अंगावर पडून बालक गंभीर जखमी झाल्याची घटना दि.28 मार्च 2023 मंगळवार रोजी सकाळी 11 वाजेच्या सुमारास मुक्ताईनगर येथील तहसील कार्यालय शेजारी घडली होती. डॉ जगदीश पाटील यांचेकडे प्राथमिक उपचार करून जखमी बालकाला पुढील उपचारार्थ जळगाव हलविण्यात आलेले होते. गंभीर जखमी बालक ओम प्रमोद भारंबे ची मृत्यू शी झुंज सुरू होती डॉक्टर ही त्याला वाचविण्यासाठी शर्तीचे प्रयत्न करीत होते. परंतु ओम ची मृत्यूशी सुरू असलेली झुंज अखेर दि.29 मार्च बुधवार रोजी दुपारी 3.56 मिनिटांनी थांबली. व त्याने अखेरचा श्वास घेतला.
दरम्यान प्रचंड आघातातही बालकाच्या प्रमोद हरी भारंबे (वडिल) यांनी बालकांचे डोळे दान देण्याचा निर्णय घेवून बालकाच्या स्मृती जिवंत ठेवल्या असून संकटात ही अवयव दानाची समय सूचकता ठेवून भारंबे कुटुंबीयांनी सर्वांसमोर एक आदर्श ठेवलेला आहे.
