विज बिलापासून सुटका मिळवण्यासाठी संत मुक्ताईनगर येथे सोलर पॅनल बसविण्यासाठी वाढला कल; सरकारही देत आहे इतकी सबसिडी
जर तुम्ही घराच्या छतावर सोलर पॅनल लावले तर तुमची वीज बिलातून सुटका होईल. सरकार हरित ऊर्जेला प्रोत्साहन देत असून त्याअंतर्गत सोलर पॅनेल बसवण्यासाठी सबसिडी देत आहे. तर काही नागरिकांना याचा लाभही झाला असून भरमसाठ सबसिडी सह केवळ १२० रू नाम मात्र मीटर भाडे वीज बिलापोटी भरावे लागत असल्याने खिशाला लागलेली कात्री यामुळे आवाक्यात आल्याचे सोलर पॅनल बसविलेल्या नागरिकांनी माहिती दिली.
तत्कालीन पर्यावरण मंत्री आदित्य ठाकरे यांच्या संकल्पनेतील माझी वसुंधरा या उपक्रमात मुक्ताईनगर पारितोषिक पटकावले होते त्यात सोलर पॅनल हे मुख्य कारण असून नागरिकांनी हरित क्रांती कडे वळताना सौर ऊर्जे वर भर द्यावा असा उद्देश शासनाचा आहे.
सोलर पॅनल बसविण्यासाठी या गोष्टी आवश्यक :
सोलर पॅनल बसवण्यापूर्वी तुमच्या घरातील दैनंदिन विजेच्या वापराची माहिती घ्या. तुम्ही 2-3 पंखे, एक फ्रीज, 6-8 एलईडी लाईट्स, एक पाण्याची मोटर आणि वीजेसह टीव्ही चालवता. मग यासाठी तुम्हाला दररोज 6 ते 8 युनिट वीज लागेल. 6 ते 8 युनिट वीज निर्मितीसाठी, तुम्हाला दोन किलोवॅटचे सौर पॅनेल बसवावे लागतील. देशात सौर ऊर्जेला चालना देण्यासाठी ऊर्जा मंत्रालयाने सौर रूफटॉप योजना सुरू केली आहे.
जर तुम्ही रुफटॉप सोलर पॅनल तीन किलोवॅटपर्यंत बसवले तर तुम्हाला सरकारकडून 40 टक्क्यांपर्यंत सबसिडी मिळेल. 10 किलोवॅट क्षमतेच्या सोलर पॅनलवर 20 टक्के सबसिडी उपलब्ध आहे.
दोन किलोवॅटचे सोलर पॅनलसाठी सुमारे 1.20 लाख रुपये खर्च येईल. पण सरकार तुम्हाला 40 टक्क्यांपर्यंत सबसिडी देईल. तुम्हाला फक्त 72 हजार रुपये खर्च करावे लागतील. सोलर पॅनलची लाईफ 25 वर्ष असते.
