श्री संत मुक्ताबाई ७२७ वा अंतर्धान समाधी सोहळा २ जून रोजी

सोहळ्यानिमित्त भव्य ११ दिवसीय  महोत्सवाचे आयोजन !

आरंभ :- वैशाख कृ.२ शनिवार ता.२५/०५/२०२४ रोजी

तर सांगता :- वैशाख कृ १३ मंगळवार दि.४ जून २०२४ रोजी होईल.

आदिशक्ती मुक्ताई ७२७ वर्षापुर्वी विजेचा प्रचंड कडकडाटात अंतर्धान झाल्या स्व-स्वरुपात लिन झाल्या त्यांनी तिरोभुत समाधी घेतली त्यावेळी प्रत्यक्ष पांडुरंग परमात्मा राई रुखमाई, संत नामदेव महाराज, संत निवृत्तीनाथ व समकालीन सर्व संत हजर होते. त्याच पवित्र स्थळी वैशाख कृ. १० दि.२ जुन २०२४ रोजी मुख्य अंतर्धान सोहळा साजरा करण्यासाठी श्री क्षेत्र पंढरपूर येथुन श्री संत नामदेव महाराज, श्री भगवान पांडुरंगाचा पादुका पालखी सोहळा, श्री क्षेत्र त्र्यंबकेश्वर येथुन श्री संत निवृत्तीनाथ महाराज पादुका पालखी सोहळा, सासवड येथुन संत सोपानकाका पादुका सोहळा, कौंडण्यपूर येथुन माता रुख्मीणी पादुका सोहळा, संत ज्ञानेश्वर महाराज संस्थान आळंदी, संत तुकाराम महाराज संस्थान देहू प्रतिनिधी व संत महंतांच्या उपस्थीतीने श्री संत मुक्ताई अंतर्धान समाधी सोहळा साजरा होत आहे. त्या निमित्ताने वै. पंढरीनाथ महाराज मानकर यांच्या प्रेरणेने वै. प्रल्हाद महाराज सुळेकर यांनी घालून दिलेल्या परंपरेने ग्रंथराज ज्ञानेश्वरी पारायण व अखंड हरीनाम ११ दिवसीय महोत्सवाचे आयोजन श्री संत मुक्ताबाई संस्थान चे वतीने करण्यात आलेले आहे. तरी भाविकांनी उपस्थीत राहून कार्यक्रमाचा लाभ घ्यावा व तन-मन-धनाने सहकार्य करावे असे आवाहन श्री. संत मुक्ताबाई समाधीस्थळ मुळमंदिर श्री क्षेत्र मुक्ताईनगर जि. जळगांव चे अध्यक्ष ॲड रविंद्र भैय्यासाहेब पाटील व विश्वस्त मंडळ आणि संत मुक्ताई पालखी सोहळा प्रमुख ह भ प रविंद्र हरणे महाराज,ह.भ.प. उध्दव महाराज जुनारे (व्यवस्थापक) संत मुक्ताई फडावरील किर्तनकार वारकरी मंडळी यांनी केले आहे.

अशी असेल कार्यक्रमाची रूपरेषा