“बालगोपाळांसाठी अध्यात्मिक संस्कारांची शाळा! श्रीक्षेत्र मुक्ताईनगर येथे सुरू वारकरी बालसंस्कार शिबिर”

“बालगोपाळांसाठी अध्यात्मिक संस्कारांची शाळा! श्रीक्षेत्र मुक्ताईनगर येथे सुरू वारकरी बालसंस्कार शिबिर”

ठळक मुद्दे:

• आधुनिक तणावमुक्त जीवनासाठी संत साहित्याचा अभ्यास
• विद्यार्थ्यांमध्ये नैतिक व आध्यात्मिक मूल्यांचा सिंचन
• 3 री ते 10 वीच्या 100 विद्यार्थ्यांचा उत्स्फूर्त सहभाग
• योगासन, प्राणायाम, अभंग, हरिपाठ, मृदुंग व टाळ वादन यांचा समावेश
• गुरुनाथ फाउंडेशन संचलित श्री संत मुक्ताई वारकरी शिक्षण संस्थेचा उपक्रम
• दानशूर व्यक्तींनी घेतली बालगोपाळांच्या भोजनाची जबाबदारी

सध्याच्या तंत्रज्ञान युगात मुलांचे आयुष्य अस्थिर व तणावग्रस्त झाले असून नैतिक मूल्यांचा अभाव ही एक मोठी समस्या बनली आहे. अशा परिस्थितीत, वारकरी संतांच्या शिकवणीतून सुसंस्कार व चारित्र्य विकासाचे शिक्षण देणारे “आध्यात्मिक वारकरी बालसंस्कार शिबिर” हे श्रीक्षेत्र मुक्ताईनगर येथे मार्गदर्शनाचा दीप ठरले आहे.

श्रीक्षेत्र मुक्ताईनगर येथे सुरू झालेल्या वारकरी बालसंस्कार शिबिरात सुमारे 100 विद्यार्थी सहभागी झाले असून, दि. 13 मे ते 28 मे दरम्यान चालणाऱ्या या शिबिरात विद्यार्थ्यांना आध्यात्मिक, सामाजिक आणि शारीरिक विकासासाठी विविध प्रशिक्षण दिले जात आहे.

गुरुनाथ फाउंडेशन संचलित व संत मुक्ताई वारकरी शिक्षण संस्थेचे अमोल महाराज कासलीकर यांच्या मार्गदर्शनाखाली, गायनाचार्य लिलाधर पाटोळे महाराज यांच्या सहकार्याने या शिबिराचे आयोजन करण्यात आले आहे. केंद्रीय राज्यमंत्री खा. रक्षाताई खडसे यांच्या वारकरी शिक्षण संस्थेत हा उपक्रम राबविण्यात येत आहे.

शिबिरात विद्यार्थ्यांना योगासन, प्राणायाम, व्यक्तिमत्व विकास, तसेच रामरक्षा, हनुमान चालीसा, विष्णु सहस्रनाम, ज्ञानेश्वरी, तुकाराम गाथा यांचे पठण व अभ्यास घडवून आणला जात आहे. तसेच, काकड आरती, प्रवचन, किर्तन, मृदुंग वादन, टाळ वाजविणे, हरिपाठ व वारकरी पावली याचेही मार्गदर्शन दिले जात आहे.

सांप्रतकाळात संत वाङ्मयातून जीवनाचे खरे मार्गदर्शन मिळते, हे लक्षात घेऊन नव्या पिढीला धर्म, संस्कृती, परंपरा, व आचार विचाराचे शिक्षण देणारे हे शिबिर हे एक यशस्वी उदाहरण ठरत आहे.

शिबिरातील मुलांच्या भोजन, नाष्टा व शीतपेयाची व्यवस्था स्थानिक दानशूर व्यक्तींनी मोठ्या मनाने स्वीकारली असून, बालगोपाळांच्या सेवेत त्यांनी मोलाचा वाटा उचलला आहे.

#बालसंस्कारशिबिर #मुक्ताईनगर #वारकरीसंस्कार #आध्यात्मिकशिक्षण #संतवाङ्मय #गुरुनाथफाउंडेशन #AmolMaharaj #SpiritualIndia #KidsCamp #SantParampara #Haripath #PersonalityDevelopment