आमदार चंद्रकांत पाटील यांच्या पाठपुराव्याने मंत्री मंडळांच्या बैठकीत कु-हा वढोदा इस्लामपुर सिंचन योजना, ता. मुक्ताईनगर, जि. जळगांव या योजनेला रु. 2226.53 कोटी किंमतीच्या तृतीय सुधारीत प्रशासकीय मान्यता !
मुख्यमंत्री शिंदे व उपमुख्यमंत्री फडणविस यांचा मंत्री मंडळाच्या बैठकीतच आमदार चंद्रकात पाटील यांनी केला सत्कार !!
मुंबई: मुंबई येथे आज दि.१३ डिसेंबर २०२२ रोजी पार पडलेल्या मंत्री मंडळांच्या बैठकीत कु-हा वढोदा इस्लामपुर सिंचन योजना, ता. मुक्ताईनगर, जि. जळगांव या योजनेला रु. 2226.53 कोटी किंमतीच्या तृतीय सुधारीत प्रशासकीय मान्यता मिळाली असून यासाठी आमदार चंद्रकांत पाटील यांचा गेल्या वर्ष भरापासून पाठपुरावा सुरू होता. यावेळी मंत्रिमंडळ बैठकीत मतदार संघातील प्रलंबित योजनेस भरीव निधीची प्रशासकीय मान्यता दिल्याने मुख्यमंत्री एकनाथ शिंदे , उपमुख्यमंत्री देवेंद्र फडणवीस यांचा आभार मानून उभयतांचा सत्कार आमदार चंद्रकांत पाटील व जळगाव जामोद मतदार संघाचे आमदार संजय कुटे यावेळी ग्रामाविकास मंत्री गिरीश महाजन व जळगाव जिल्ह्याचे पालकमंत्री गुलाबराव पाटील आदींसह इतर उपस्थित होते.
दरम्यान, आज मंत्री मंडळ बैठकीत सुधारित प्रशकीय मान्यता मिळाली असून येत्या ८ दिवसात यासंदर्भात शासन निर्णय जाहीर करण्यात येणार आहे अशी माहिती आमदार चंद्रकांत पाटील यांनी दिली
कु-हा वढोदा इस्लामपुर सिंचन योजना, ता. मुक्ताईनगर, जि. जळगांव या प्रकल्पांतर्गत जळगाव जिल्ह्याच्या मुक्ताईनगर तालुक्यातील जिगांव धरणाच्या खालच्या बाजुस 2 किमी अंतरावर रिगाव गावाजवळ पूर्णा नदीचे 100.928 द.ल.घ.मी. पाणी पावसाळ्यात 3 टप्पात उचलुन या प्रकल्पांतर्गत बांधण्यात येणाऱ्या इस्लामपूर धरणामध्ये सोडण्याचे प्रस्तावित असून बंदिस्त पाईपलाईनद्वारे 25898 हे. सिंचन क्षेत्र निर्माण करणे प्रस्तावित आहे. या प्रकल्पाद्वारे जळगांव जिल्ह्यातील मुक्ताईनगर व बुलढाणा जिल्हयातील जळगाव जामोद व संग्रामपूर अशा तीन तालुक्यातील अनुक्रमे 8249 हे 10122 है. आणि 7527 हे. क्षेत्रास सिंचनाचा लाभ होणार आहे.
प्रकल्पास तापी पाटबंधारे विकास महामंडळाने संदर्भ क्र.1 अन्यये सन 1997-98 दरसूचीवर आधारीत रुपये 155.95 कोटी इतक्या किंमतीस मूळ प्रशासकीय मान्यता प्रदान केली होती. तदनंतर महामंडळाने संदर्भ क्र.2 अन्वये सन 1999-2000 च्या दरसूचीवर आधारीत रुपये 207.08 कोटी इतक्या किंमतीस नव्याने प्रशासकीय मान्यता प्रदान केली होती. त्यानंतर शासनाने संदर्भ क्र. 3 अन्वये सन 2006-2007 च्या दरसूचीवर आधारीत रुपये 503.64 कोटी इतक्या किमतीस द्वितीय प्रशासकीय मान्यता प्रदान केलेली आहे. त्यानंतर शासनाने संदर्भ क्र. 4 अन्वये सन 2008-2009 च्या दरसूचीवर आधारीत रुपये 842.40 कोटी इतक्या किंमतीस द्वितीय प्रशासकीय मान्यता प्रदान केलेली आहे.
इतर कारणांमुळे झालेली वाढ तसेच अनुषंगिक खर्चामुळे (इटीपी व इतर) प्रकल्प किंमतीत वाढ झाली. त्यामुळे तापी पाटबंधारे विकास महामंडळाने प्रकल्पाचा तृतीय सुधारित प्रशासकीय मान्यता प्रस्ताव शासनास मंजूरीस्तव सादर केला आहे. त्यामूळे
प्रकल्पाच्या तृतीय सुधारित प्रशासकीय अहवालास राज्य स्तरीय तांत्रीक सल्लागार समितीने रु. 2226.53 कोटी इतक्या रकमेस शिफारस केली आहे.
प्रकल्प अहवालावर दि. 05/9/2019 रोजी झालेल्या त्रिसदस्सीय सचिव स्तरीय समितीच्या बैठकीत सविस्तर चर्चा झाली असून समितीने प्रस्ताव मा. मंत्रीमंडळाच्या बैठकीमध्ये सादर करण्याचे निर्देश दिले. त्या अनुषंगाने मा. मंत्रीमंडळाने जळगांव जिल्ह्यातील मुक्ताईनगर तालुक्यातील 8249 हे. व बुलढाणा जिल्ह्यातील जळगाव जामोद तालुक्यातील 10122 हे. आणि संग्रामपूर तालुक्यातील 7527 हे. क्षेत्रास सिंचनाचा लाभ देण्या अनुषंगाने कु-हा वढोदा इस्लामपुर उपसा सिंचन योजनेचे काम पूर्णत्वास नेण्याच्या उद्देशाने जलसंपदा विभाग सन 2017-18 ची दरसूची व सार्वजनिक बांधकाम विभाग यांची सन 2018-19 ची दरसूची तसेच म. जि. प्रा. यांचे सन 2018-19 च्या दरसूचीवर आधारित रुपये 2226.53 कोटी इतक्या किमंतीच्या तृतीय सुधारित प्रकल्प अहवालाला प्रशासकीय मान्यता देण्याचा निर्णय शासनाने घेतला आहे.
शासन निर्णय-
कु-हा वढोदा इस्लामपुर उपसा सिंचन योजना, ता. मुक्ताईनगर, जि. जळगांव, या प्रकल्पाच्या जलसंपदा विभाग सन 2017-18 ची दरसूची व सार्वजनिक बांधकाम विभाग यांची सन 2018-19 ची दरसूची तसेच म.जि. यांचे सन 2018-19 च्या दरसूचीवर आधारित रुपये 2226.53 कोटी (रुपये दोन हजार दोनशे सर्व्वीस कोटी •लक्ष फक्त) (प्रत्यक्ष कामासाठी रुपये 2093.40 कोटी रुपये दोन हजार त्र्याण्णव कोटी चाळीस लक्ष) व अनुषं‍ग खर्च रुपये 133.13 कोटी (रुपये एकशे तेहतीस कोटी तेरा लक्ष) इतक्या किंमतीस नमूद अटी च्या अधीन राहून तृतीय सुधारित प्रशासकीय मान्यता प्रदान करण्यात येत आहे आली असून लवकरच येत्या आठ दिवसात शासन निर्णय काढण्यात येणार आहे.
