संत मुक्ताई पालखी आगमन सोहळा, मुक्ताईनगरमध्ये अभूतपूर्व स्वागत!
१०२ भजनी मंडळांच्या भक्तीमय गजरात वारकरी दिंडी स्पर्धा थाटात पार
मुक्ताईनगर (दि. ३० जुलै २०२५) –
श्री संत मुक्ताई अंतर्धान समाधीस्थळ श्रीक्षेत्र कोथळी (ता. मुक्ताईनगर) येथून आषाढी वारीनिमित्त पंढरपूरला गेलेली “आईसाहेबांची पालखी” तब्बल दोन महिन्यांनंतर आपल्या मुक्ताई नगरीत बुधवारी मोठ्या भक्तिभावाने परत आली. या पुनरागमनाचे औचित्य साधून पालखी सोहळा उत्सव समितीच्या वतीने पारंपरिक वारकरी सांप्रदायिक दिंडी स्पर्धेचे भव्य आयोजन करण्यात आले. यामध्ये तब्बल १०२ भजनी मंडळांनी सहभाग घेत भक्तीचा महाफुलवाटाच फुलविला.
भक्तिरसात न्हालेली मुक्ताईनगरी
नवीन मुक्ताई मंदिर ते जुने मंदिर या मार्गावर दिंडी स्पर्धा पार पडली. टाळ, मृदंग, वीणा आणि हरिपाठाच्या निनादात संपूर्ण मुक्ताईनगर चैतन्यमय झाले. बाल, महिला आणि पुरुष अशा तीन गटांमध्ये झालेल्या स्पर्धेत भजनी मंडळांनी आपल्या कलाकौशल्याने उपस्थितांची मने जिंकली.
स्पर्धेतील प्रमुख विजेते –
🧒 बालगट विजेते:
- प्रथम: संत मुक्ताई कन्या बाल भजनी मंडळ (वाघोळा)
- द्वितीय: संत मुक्ताई वारकरी शिक्षण संस्था (कोथळी)
- तृतीय: मुक्ताई कन्या भजनी मंडळ (म्हैसवाडी)
👩 महिलागट विजेते:
- प्रथम: संत वियगी महाराज भजनी मंडळ (बनसोडा)
- द्वितीय: संत मुक्ताई भजनी मंडळ (पिंप्री अकराऊत)
- तृतीय: मरी माता भजनी मंडळ (चारठाणा)
👨 पुरुषगट विजेते:
- प्रथम: रुपलाल महाराज भजनी मंडळ (वरुड बकाल)
- द्वितीय: गजानन महाराज भजनी मंडळ (दाताळा)
- तृतीय: हनुमान भजनी मंडळ (बेलाड)
विजेत्यांना अनुक्रमे रु. ११,१११/-, ७७७७/-, व ५५५५/- रोख बक्षीस, सन्मानपत्र व शाल-श्रीफळ देऊन गौरविण्यात आले. सर्व सहभागी मंडळांना रु. १०००/- मानधन, प्रमाणपत्र व प्रोत्साहनपर बक्षीस देण्यात आले.
संत मुक्ताई आदर्श वारकरी पुरस्कार २०२५
खामखेडा येथील हरिभक्त रतीराम महाराज नागरुत यांना “संत मुक्ताई आदर्श वारकरी पुरस्कार २०२५” देऊन सन्मानित करण्यात आले. त्यांना रोख ११,०००/-, सन्मानपत्र, शाल व श्रीफळ देऊन मान्यवरांच्या हस्ते गौरविण्यात आले.
प्रमुख पाहुण्यांचा गौरव
सोहळ्याचे पारितोषिक वितरण हरिभक्त परायण रविंद्र हरणे महाराज यांच्या काल्याच्या कीर्तनानंतर संत मुक्ताई संस्थान अध्यक्ष ॲड. रवींद्र पाटील, माजी आमदार अरुणदादा पाटील, विशाल महाराज खोले, , संदीप पाटील, सम्राट पाटील, यांच्या हस्ते झाले.
विशिष्ट सत्कार आणि सेवाभावी उपक्रम
- शिवसेना परिवारतर्फे दिंडीत सहभागी महिलांना पैठणी, फुलमाळा, चोळी, तर पुरुष व बालविनेकऱ्यांना टोपी, शाल, श्रीफळ व प्रभू श्रीरामाचे छायाचित्र देऊन सन्मानित करण्यात आले.
- आ. चंद्रकांत पाटील यांच्या हस्ते सर्व १०२ दिंडी सोहळ्याचा सत्कार पार पडला. महिला दिंडी विणेकरी यांना पैठणी साडी , प्रभू श्रीराम फोटो व शाल श्रीफळ देऊन सत्कार केला.
- कुबेर ग्रुप तर्फे संत मुक्ताई प्रतिमा भेट देण्यात आली व रथ सजावट पुष्पवृष्टीने सजवली गेली.
- सदाशिव पाटील यांच्या वतीने वारकऱ्यांना खिचडीचा महाप्रसाद दिला गेला.
- कृषी उत्पन्न बाजार समिती व राजेंद्र हिवराळे, मुस्लिम समाज बांधव व नागरिकांकडून विविध ठिकाणी फराळ, चहा, केळी, बिस्किटे व पाणी वाटप सेवा दिली गेली.
अभंगाच्या वर्षावात भक्तिभावाने ओथंबलेली वारी
पालखी मार्ग संपूर्ण सजविण्यात आला होता. रंगीबेरंगी पताका, फुलांच्या रांगोळ्या, वारकऱ्यांच्या गजरात मुक्ताईनगर एक नवचैतन्य अनुभवत होती. “जय जय रामकृष्ण हरी!” या जयघोषात व “संत मुक्ताईंचे अभंग” गात वारकऱ्यांनी भक्तिरसात सर्व गावाला चिंब केले.
✍️ विशेष नोंद:
ही वारी म्हणजे केवळ धार्मिक उत्सव नव्हे, तर सामाजिक ऐक्य, परंपरेचे जतन आणि निस्वार्थ सेवाभाव यांचे मूर्त स्वरूप ठरले आहे. संत मुक्ताईची कृपा सर्वांवर सदैव राहो, हीच ईश्वरचरणी प्रार्थना!
📰 बातमी सौजन्य: Muktai Varta
