“मुक्ताईनगरचा “समर्थ” ठरला बाल वैज्ञानिक! ISRO भेटीसाठी राज्यातून निवड – जाणून घ्या संपूर्ण यशोगाथा!”
मुक्ताईनगर येथील जे.ई. स्कूलचा विद्यार्थी समर्थ शिवाजीराव वंजारी याने आपल्या अपूर्व बुद्धिमत्तेच्या जोरावर महाराष्ट्र राज्यातून तृतीय क्रमांक पटकावत बाल वैज्ञानिक पुरस्कार मिळवला आहे. होमी भाभा फाउंडेशन, मुंबईच्या वतीने आयोजित या स्पर्धेतून निवड झालेल्या समर्थला आता भारतीय अंतराळ संशोधन संस्था (ISRO) येथे भेट देण्याची सुवर्णसंधी प्राप्त झाली आहे.
ठळक मुद्दे :
बाल वैज्ञानिक पुरस्काराने सन्मानित:
• होमी भाभा फाउंडेशन, मुंबईच्या वतीने प्रा. पी.बी. जोशी यांच्या हस्ते समर्थला बाल वैज्ञानिक पुरस्कार देऊन गौरविण्यात आले.
ISRO भेटीसाठी निवड:
• महाराष्ट्रातून निवड करण्यात आलेल्या २० गुणवंत विद्यार्थ्यांमध्ये समर्थ वंजारी याचा समावेश.२२ एप्रिल रोजी ISRO भेटीसाठी प्रस्थान.
राज्यातून तृतीय क्रमांक:
• राज्यभरातून १.७ लाख विद्यार्थ्यांनी परीक्षेत सहभाग घेतला.
• समर्थने इयत्ता सातवीमध्ये असतानाच संपूर्ण महाराष्ट्रात तृतीय क्रमांक मिळवला.
शिक्षकपुत्राची यशोगाथा:
• समर्थ हा शिक्षक शिवाजीराव भागवत वंजारीसर यांचा सुपुत्र. शाळा – जे.ई. स्कूल, मुक्ताईनगर.
ISRO भेटीत शास्त्रज्ञांशी संवाद:
• उपग्रह संशोधन, उड्डाण तंत्रज्ञान व अवकाश क्षेत्रातील माहितीचा अभ्यास.
• ISRO मधील शास्त्रज्ञांसोबत थेट संवादाची संधी.
गौरवाचा वर्षाव:
या यशाबद्दल मा.आमदार एकनाथराव खडसे, मा.केंद्रीय राज्यमंत्री श्रीमती रक्षाताई खडसे, एज्युकेशन सोसायटी चेअरमन रोहिणीताई खडसे-खेवलकर आणि इतर मान्यवरांनी अभिनंदन केले.
—
सविस्तर वृत्त असे की :
मुक्ताईनगर येथील जे.ई. स्कूलमध्ये शिक्षण घेणारा इयत्ता सातवीचा विद्यार्थी समर्थ शिवाजीराव वंजारी याने महाराष्ट्रात आपले नाव उजळवत होमीभाभा फाउंडेशन, मुंबई यांच्या वतीने आयोजित बाल वैज्ञानिक स्पर्धेत राज्यातून तृतीय क्रमांक पटकावला. या यशस्वी विद्यार्थ्याचा बाल वैज्ञानिक पुरस्काराने सन्मान करत प्रा. पी.बी. जोशीसर यांच्या हस्ते गौरव करण्यात आला.
या स्पर्धेत इयत्ता पाचवी ते दहावीच्या विद्यार्थ्यांनी सहभाग घेतला होता. संपूर्ण महाराष्ट्रातून १ लाख ७० हजार विद्यार्थ्यांनी परीक्षा दिली होती. त्यामधून अवघ्या काही निवडक विद्यार्थ्यांची ISRO भेटीसाठी निवड करण्यात आली असून त्यात जे.ई. स्कूल, मुक्ताईनगरच्या समर्थचा समावेश आहे.
२२ एप्रिल रोजी समर्थ ISRO भेटीसाठी प्रस्थान करणार असून तेथे त्याला उपग्रह तंत्रज्ञान, अवकाश संशोधन, आणि विविध वैज्ञानिक बाबींविषयी थेट शास्त्रज्ञांकडून माहिती मिळणार आहे. ही संधी त्याच्या भावी वैज्ञानिक वाटचालीस एक नवा दिशा देणार आहे.
समर्थ हा जे.ई. स्कूलचे विज्ञान शिक्षक शिवाजीराव वंजारी यांचा मुलगा आहे. त्याच्या यशाबद्दल शाळेचे प्राचार्य एन.पी. भोंबे, उपप्राचार्य व्ही.के. शिर्के, पर्यवेक्षक व्ही.डी. ब-हाटे, एस.पी. राठोड व संपूर्ण शिक्षकवृंदांनी अभिनंदन केले. या यशाबद्दल मुक्ताईनगर एज्युकेशन सोसायटीचे सर्व पदाधिकारी तसेच माननीय आमदार एकनाथराव खडसे आणि केंद्रीय राज्यमंत्री श्रीमती रक्षाताई खडसे यांनीही गौरवोद्गार काढले.
विद्यार्थ्यांमध्ये वैज्ञानिक दृष्टिकोन आणि संशोधन वृत्ती जोपासण्याच्या उद्देशाने होमीभाभा फाउंडेशन आणि ISRO चे संयुक्त प्रयत्न निश्चितच उल्लेखनीय ठरत आहेत.
