मुक्ताईनगरचा सनी बढे उच्च शिक्षणासाठी 20 ऑगस्ट रोजी नेदरलँड ला जाणार !
मुक्ताईनगर : परदेशातील शिक्षणाकरता एग्रीकल्चरल डेव्हलपमेंट ट्रस्ट बारामती यांचेकडून मुक्ताईनगर येथील रहिवासी सनी बढे यांना रक्कम रुपये एक लाखाचा धनादेश नुकताच उपमुख्यमंत्री अजित पवार यांच्या हस्ते प्रदान करण्यात आला होता, सध्या बढे हा विद्यार्थी बारामतीतील एग्रीकल्चरल डेव्हलपमेंट ट्रस्ट संचलित कृषी महाविद्यालय येथे ऍग्री बिझनेस मॅनेजमेंट येथे शिक्षण घेत आहे,जे नेदरलँड्समधील व्हॅन हॉल लॅरेन्स्टाईन विद्यापीठाशी संलग्नित आहे. पुढील दोन वर्षाच्या शिक्षणाकरिता तो 20 ऑगस्ट 2023 रोजी नेदरलँड ला रवाना होत आहे. सनी याचा जन्म शेतकरी कुटुंबात झाला असून त्याच्या कुटुंबीयांना शेतीची प्रदीर्घ परंपरा लाभली आहे.
त्याचे आजोबा नेहमी शेती कामात व्यस्त असायचे व त्याला शेतात घेऊन जायचे त्यामुळे त्याला कृषी शिक्षणाची आवड निर्माण झाली.
तो लहान असताना, त्याच्या वडिलांना रोपवाटिका व्यवसाय सांभाळताना पाहिले आहे, ज्यामुळे कृषी निविष्ठांमध्ये आवड निर्माण झाली.
त्याच्या पालकांनी त्याला दुग्धव्यवसाय आणि कुक्कुटपालन क्षेत्रातही दाखवले, ज्याने त्याच्यात चमक निर्माण करण्यासाठी मदत झाली,
सनी बढे याची उच्च शिक्षणासाठी नेदरलँड येथे निवड झाल्यामुळे हॅप्पी माईंड फाउंडेशन मुक्ताईनगर च्या वतीने अध्यक्ष डॉ तेजांशु सरोदे यांनी सनी निलेश बढे याचा सत्कार केला, त्यावेळी फाउंडेशन चे सचिव डॉक्टर प्रणिता सरोदे, उपाध्यक्ष प्राध्यापक छाया खर्चे, तसेच मुक्ताई लॅब चे डॉक्टर सोपान पाटील व शहरातील डॉक्टर शुभम खर्चे ,डॉक्टर मयुरी खर्चे डॉक्टर गोरे मॅडम, डॉक्टर इंद्रायणी निलेश बढे ह्या उपस्थित होत्या.
