नवी दिल्ली, 05 एप्रिल (हिं.स.) : माजी पंतप्रधान दिवंगत डॉ. मनमोहन सिंग यांच्या पत्नी गुरशरण कौर यांच्या सुरक्षेत कपात करण्यात आली आहे. गुरशरण कौर यांची सुरक्षा कमी करून झेड श्रेणीत आणली आहे. यापूर्वी त्यांना झेड प्लस श्रेणीची सुरक्षा मिळत होती.
डॉ. मनमोहन सिंग यांचे 26 डिसेंबर 2024 रोजी वयाच्या 92 व्या वर्षी निधन झाले होते. त्यानंतर केंद्रीय गुप्तचर संस्थांनी त्यांच्या सुरक्षेचा अलिकडेच आढावा घेतल्यानंतर कौर यांच्या सुरक्षेची श्रेणी कमी करण्यात आली.त्याच्या वैयक्तिक सुरक्षेसाठी तसेच त्याच्या घराच्या सुरक्षेसाठी सुमारे एक डझन सशस्त्र कमांडो तैनात केले जातील, असे सूत्रांनी सांगितले. सुरक्षेच्या वर्गीकरणात बदल झाल्यामुळे, सिंग दाम्पत्यासाठी मंजूर असलेल्या दिल्ली पोलिस कर्मचाऱ्यांची संख्याही कमी करण्यात आली आहे.
