"संतांच्या लाडकी बहीण मुक्ताईच्या पूजनासाठी उपमुख्यमंत्र्यांचा आग्रही आग्रह; तेजोविलीन सोहळ्यासाठी समर्पित केली महाभेट!"

“संतांच्या लाडकी बहीण मुक्ताईच्या पूजनासाठी उपमुख्यमंत्र्यांचा आग्रही आग्रह; तेजोविलीन सोहळ्यासाठी समर्पित केली महाभेट!”

मुंबई | श्रीक्षेत्र मुक्ताईनगर | प्रतिनिधी, मुक्ताई वार्ता
संतांच्या लाडक्या बहिणी – मुक्ताई माऊलींचा तेजोविलीन सोहळा उद्या श्रीक्षेत्र मुक्ताईनगर येथे, भगवंत श्री पंढरीनाथ आणि सर्व संतांच्या साक्षीने, तापी तीरावर होणार आहे. लक्षावधी वारकरी, टाळ-मृदंगाच्या गजरात, मुक्ताई माऊलींच्या चरणी आपली असीम भक्ती अर्पण करणार आहेत.

या पवित्र आणि ऐतिहासिक सोहळ्यासाठी राज्याचे उपमुख्यमंत्री आणि शिवसेना प्रमुख ना. श्री. एकनाथ संभाजी शिंदे साहेबांनी स्वतः आग्रही भूमिका घेत, मुक्ताई माऊलींसाठी महावस्त्र, साडीचोळी आणि महापूजेचे साहित्य अत्यंत भक्तिभावाने समर्पित केले आहे.ही साडी चोळीची महाभेट शिवसेना आध्यात्मिक सेनेचे प्रदेशाध्यक्ष अक्षय महाराज भोसले हे स्वतः मुक्ताई अंतर्धान सोहळ्यात उपस्थित राहून मुक्ताई चरणी अर्पण करणार आहे.

ठळक मुद्दे :

उपमुख्यमंत्र्यांचा भावनिक सहभाग : संत मुक्ताईंसाठी महापूजा साहित्य व वस्त्रदान करताना भावूक झाल्याचे प्रत्यक्षदर्शींनी सांगितले.
वारकरी संप्रदायाची एकजूट : महाराष्ट्राच्या कानाकोपऱ्यातून लाखो वारकरी या ऐतिहासिक क्षणाचे साक्षीदार होणार.
श्रद्धेचा महासागर तापी तीरावर : श्रीपंढरीनाथ, संत ज्ञानेश्वर, संत एकनाथ, संत नामदेव यांच्या गजरात मुक्ताईंचा तेजोविलीन सोहळा.
शिवसेनेची अध्यात्मिक बांधिलकी : डॉ. श्रीकांत शिंदे यांच्या मार्गदर्शनाखाली ‘शिवसेना धर्मवीर अध्यात्मिक सेना’ चा सक्रिय सहभाग.

उपमुख्यमंत्र्यांचे शब्दच विसाव्याचे!

“मुक्ताई माऊली ही केवळ संतांची लाडकी बहीण नव्हे, तर ती सर्व वारकरी संप्रदायाची जननी आहे. तिच्या चरणी माझे समर्पण ही माझी सेवा आहे…”
– ना. श्री. एकनाथ शिंदे