गाझामध्ये इस्रायलचा हल्ला , हमासचे दोन दहशतवादी ठार

येरुशलम, 24 मार्च (हिं.स.)।इस्रायल डिफेन्स फोर्सेस (आयडीएफ) ने गाझाच्या नास्सेर हॉस्पिटल संकुलात असलेल्या हमासच्या एका दहशतवाद्यावर लक्ष्यभेदी हल्ला केल्याची घोषणा केली. त्यांनी आयडीएफने एक्सवर पोस्ट करत म्हटले की, “गाझाच्या नास्सेर हॉस्पिटल संकुलात लपलेल्या एका प्रमुख हमास दहशतवाद्यावर लक्ष्यभेदी हल्ला करण्यात आला.हा हल्ला विस्तृत गुप्तचर माहिती संकलनानंतर आणि अत्यंत अचूक क्षेपणास्त्रांच्या मदतीने करण्यात आला, जेणेकरून परिसराला कमीत कमी हानी होईल. आयडीएफने आणखी दोन प्रमुख हमास कमांडरना ठार केल्याची माहिती दिली आहे.

“हमासच्या गाझा ब्रिगेडचा उपकमांडर आणि शेजैय्या बटालियनचा कमांडर. IDF नुसार, ठार झालेले अहमद सलमान ‘अव्ज शिमाली’ हे हमासच्या गाझा ब्रिगेडच्या सैन्य रणनीती आणि आक्रमण योजनेसाठी जबाबदार होते. त्याचबरोबर, जमील ओमर जमील वाडिया हा शेजैय्या बटालियनच्या सैन्य पुनर्रचनेसाठी आणि इस्रायली सैन्याविरुद्ध हल्ल्यांसाठी जबाबदार होता. इस्रायली सैन्याने हमासवर नागरिक ठिकाणांचा आडोसा घेण्याचा आरोप करत सांगितले की, “हमास रुग्णालयासारख्या नागरी पायाभूत सुविधांचा गैरवापर करीत असून, गाझातील लोकांचे जीव धोक्यात घालत आहे. इस्रायलवर हल्ले करण्यासाठी नास्सेर हॉस्पिटलचा वापर केला जात होता, हे आंतरराष्ट्रीय कायद्याचे सरळ उल्लंघन आहे.” अमेरिकेचे विशेष दूत स्टीव्ह विटकॉफ यांनी इस्रायल-हमास संघर्षात हमासला जबाबदार धरले असून इस्रायलने युद्धविराम तोडल्याचा आरोप फेटाळला. त्यांनी म्हटले, “ही परिस्थिती पूर्णतः हमासमुळे निर्माण झाली आहे.

अमेरिका इस्रायलसोबत आहे.” दुसरीकडे, हमासने आरोप फेटाळत म्हटले की, “आम्ही युद्धविरामाच्या सर्व प्रस्तावांना सकारात्मक प्रतिसाद दिला. मात्र, इस्रायलचे पंतप्रधान नेतान्याहू यांनी कराराची अंमलबजावणी नाकारली.” इस्रायलने बेइत हनून आणि राफाहमध्ये हवाई आणि जमिनीवरून हल्ले सुरू ठेवले आहेत. तसेच, लेबनॉनमध्येही हिजबुल्लाहच्या ठिकाणांवर हवाई हल्ले करण्यात आले आहेत. दरम्यान, गाझामध्ये मानवतावादी संकट गडद होत असून, UN चे अधिकारी फिलिपे लाझारिनी यांनी चेतावणी दिली की, “दररोज मदत पोहोचण्यात उशीर होत आहे, त्यामुळे गाझामध्ये उपासमारीचे संकट आणखी गंभीर होत आहे.” गाझा आरोग्य मंत्रालयाच्या माहितीनुसार, आतापर्यंत 50,021 लोकांचा मृत्यू, तर 1,13,274 जखमी झाले आहेत. गाझा सरकारच्या मीडिया कार्यालयाने हा आकडा 61,700 पेक्षा अधिक असल्याचे म्हटले आहे. इस्रायलमध्ये 7 ऑक्टोबरच्या हल्ल्यात 1,139 लोक ठार, तर 200 हून अधिक जणांचे अपहरण करण्यात आले होते.

—————