जळगाव , 21 मार्च (हिं.स.)।जळगावमध्ये माजी उपसरपंचाची निर्घृण हत्या करण्यात आली आहे. जळगावजवळील कानसवाडा गावामध्ये माजी उपसरपंच युवराज सोपान कोळी यांची दिवसाढवळ्या चॉपर आणि चाकूने भोसकून हत्या करण्यात आली. प्रत्यक्षदर्शींनी याबाबत पोलिसांना माहिती दिली.
मिळालेल्या माहितीनुसार, जळगाव येथील कानसवाडा गावचे माजी उपसरपंच युवराज सोपान कोळी यांची निर्घृण हत्या करण्यात आली. शुक्रवारी(दि. २१) सकाळी ही घटना घडली. युवराज कोळी याचे गुरुवारी(दि. २०) रात्री एका हॉटेल वर काहीं व्यक्ती सोबत वाद झाले होते. या वादातून कानसवाडा गावातीलच अज्ञात तीन जणांनी आज सकाळी ८ च्या सुमारास युवराज कोळी यांच्यावर धारधार शस्त्रांनी हल्ला केला.या हल्ल्यात गंभीर जखमी झालेल्या युवराज कोळी यांचा अतिरक्तस्राव झाल्यामुळे जागीच मृत्यू झाला.ही घटना काही शेतकऱ्यांच्या समोर घडल्याने त्यांनी घटनास्थळी तत्काळ धाव घेतली, मात्र तोपर्यंत मारेकरी पसार झाले होते जळगाव शासकीय व वैद्यकीय महाविद्यालयात युवराज कोळी यांचा मृतदेह शवविच्छेदनासाठी आणण्यात आला आहे. या घटनेमुळे परिसरात खळबळ उडाली.
रुग्णालयाबाहेर युवराज कोळी यांच्या नातेवाईकांनी प्रचंड आक्रोश केला आहे. कानसवाडा गावासह जिल्हा रुग्णालयात तणावाचे वातावरण आहे. युवराज कोळी हे शिवसेना शिंदे गटाचे माजी उपसरपंच असल्याची माहिती गावकऱ्यांनी दिली. कोळी यांची हत्या का केली? यामागचे नेमके कारण समोर आले नाही. युवराज कोळी यांच्या हत्येनंतर तिन्ही मारेकरी फरार झाले आहेत. पोलिसांनी त्यांच्याविरोधात गुन्हा दाखल केला असून त्यांच्या शोधासाठी पथके रवाना केली आहेत.
—————
