तिर्थक्षेत्र मुक्ताई मंदिर परिसरात संत सखाराम महाराज दिंडी परंपरेच्या मठासाठी आमदार चंद्रकांत पाटील यांना साकडे ;

मुक्ताईनगर : आदिशक्ति मुक्ताईच्या वारी ला दशमी, एकादशी व द्वादशी असे तीन दिवसांसाठी मुक्कामी येत असलेल्या संत सखाराम महाराज यांचा परंपरेचा दिंडी सोहळा या सोहळ्याला शंभर वर्षा पासूनची अखंड परंपरा असून या सोहळ्यात जळगाव जिल्ह्यासह, विदर्भ व खान्देशातील हजारो वारकरी व भाविक सहभागी होत असतात. तिर्थक्षेत्र मुक्ताईनगर (कोथळी) येथील आदिशक्ती मुक्ताई मंदिराच्या सानिध्यात या संत परंपरेचा पूर्वीपासून मठ होता. परंतु मंदिर विकास आराखड्यात येथील परिसराचे निर्लेखन झाले त्यात या मठाची जागा गेली. तेव्हापासून या दिंडी सोहळयात येणाऱ्या आबाल, वृद्ध वारकरी उघड्यावर फड टाकत असल्याने वारकऱ्यांना प्रचंड गैरसोयीचा सामना करावा लागत असतो या करिता  येथे जागा तसेच मठा साठी सभागृह बांधून मिळावे अशी मागणीचे साकडे दिंडी परंपरेच्या पंच मंडळातर्फे आमदार चंद्रकांत पाटील यांना लेखी पत्राद्वारे घालण्यात आले.