मुक्ताईनगर शहरातील प्रभाग क्र.१२ मध्ये रहिवासी भोगवटा धारक जागा नियमाकुल होनेसाठी सर्व्हेक्षण पूर्ण
मुक्ताईनगर : मुक्ताईनगर नगरपंचायत हद्दीत गावठाण त्याचप्रमाणे नगरपंचायत मालकीच्या जागेवर अतिक्रमण करून राहणाऱ्या 2011 पूर्वीच्या नगर पंचायत हद्दीत अतिक्रमीत जागांवर राहणाऱ्या सुमारे ११० नागरिकांचे जागेचे नियमाकुल होण्यासाठी पहिले पाऊल , आज सोमवारी नगरपंचायती द्वारा नियुक्त पुणे येथील एजन्सी मार्फत सर्वेक्षण करून प्रत्येक घरांवर कोड नंबर टाकण्यात आले असून उर्वरित दिवसात त्यांचे कागदपत्रे संग्रहित करून शासनाकडे प्रस्ताव सादर केला जाणार आहे. यामुळे हक्काचे त्या जागेचे खासगी मालकीचे प्लॉट होऊन रहिवाशांना घरकुल व इतर सेवांचा लाभ घेता येणार आहे. सर्वेक्षण करताना पुणे येथील एजन्सी चे अधिकारी कर्मचारी यांचेसह सार्वजनिक बांधकाम सभापती संतोष मराठे (नगरसेवक प्रभाग क्र.१२) यांची उपस्थिती होती.
“अतिक्रमित जागा ह्या नियमाकुल होणार असून ज्यांच्या तीन तीन चार चार पिठ्या ज्या जागेत वाढल्या रुजल्या त्या रहिवाशांना त्या जागेचे ना मालकी हक्क होते ना कोणत्या सुविधा व नेहमी रहिवास करीत असलेल्या जागेतून प्रशासन काढेल काय ? किंवा उघड्यावर तर संसार येणार नाही अशा भितीत शहरातील अतिक्रमित कुटुंब जगत होते. परंतु या रहिवाशांच्या मुख्य अडचणीची बाब लक्षात घेवून आमदार चंद्रकांत पाटील यांनी सदरील जागा नियमाकुल करण्यासाठी शासनाकडे पाठपुरावा सुरू केला. त्यांच्या सततच्या पाठपुराव्याला यश आलेले असून नगरपंचायतीद्वारा जिल्हाधिकारी यांचे आदेशाने रीतसर ठराव करून पुणे येथील एजन्सी ला
अधिकृतरित्या सर्वेक्षणाचे काम देवून शहरातील सर्व भागातील सुमारे २५०० रहिवाशी भोगवटा धारक जागांचे सर्वेक्षण करण्याची मोहीम गेल्या अनेक महिन्यांपासून सुरू होती. आज दि.२५ जुलै रोजी प्रभाग क्र.१२ मधील ११० घरांचे सर्वेक्षण करून त्या घरांवर कोड टाकण्यात आला. एजन्सी तर्फे पुढील काही दिवसात रीतसर अर्ज भरून व कागदपत्रांची पूर्तता करून अहवाल शासनाकडे सादर केला जाईल.
दरम्यान नगर पंचायत हद्दीत अतिक्रमण व भोगवटा धारक नागरिकांना पंतप्रधान आवास योजनेअंतर्गत घरकुल व तत्सम योजनेचा लाभ मिळू शकत नसल्याने शहरातील सुमारे २५०० च्या जवळपास वर भोगवटादार असलेल्या नागरिकांना या योजनेपासून वंचित राहावे लागत होते. ही मोठी अडचण लक्षात घेता आमदार चंद्रकांत पाटील यांनी जळगाव जिल्ह्याचे पालकमंत्री गुलाबराव पाटील ,जिल्हाधिकारी अभिजीत राऊत यांच्याशी चर्चा करून मुक्ताईनगर तहसीलदार यांच्या दालनात तहसीलदार व मुख्याधिकारी यांच्या उपस्थितीत आढावा बैठक घेतली होती व शहरातील अतिक्रमित धारकांच्या जागा नियमाकुल करण्यासंदर्भात ठराव व इतर कागदोपत्री सोपस्कार पार पाडण्याच्या सूचना केल्या होत्या त्यानुसार तत्कालीन पालिकेचा मीटिंगमध्ये तहसीलदारांच्या पत्रानुसार शहरातील अतिक्रमित जागा निर्माण करण्यासंदर्भात चा ठराव घेण्यात आला व तद्नंतर या संदर्भातील निविदा प्रक्रिया पार पाडून दि.१७ मार्च २०२२ रोजी युनिटी जिओ स्पेटीएल एल.एल.पी, कोथरूड पुणे या एजंसीला शहरातील अतिक्रमण धारक नागरिकांचे सर्वेक्षण करण्यासाठी नगरपंचायत मुख्याधिकारी अश्विनी गायकवाड यांच्या स्वाक्षरीने कार्यारंभ आदेश देण्यात आलेला आहे. सदरील एजंसीने मंगळवार दि.१० मे २०२२ पासून सर्वेक्षणास सुरुवात केलेली आहे.
प्रभाग क्र.१२ मधील शिवराय नगर भागात नगरसेवक तथा सार्वजनिक बांधकाम सभापती संतोष मराठे , युनिटी जिओ स्पेटीएल एल.एल.पी, कोथरूड पुणे एजंसीचे लिंबराज सूर्यवंशी, मिलिंद देवधर, जयवंत पाठक आदीद्वारा सर्वेक्षण मोहीम सुरू झाले आहे.
********************
शहरातील कोणी भोगवटा धारक रहिवाशी यांचे सर्वेक्षण नजर चुकीने राहीले असल्यास त्यांनी युनिटी जिओ स्पेटीएल एल.एल.पी, कोथरूड पुणे एजंसीचे लिंबराज सूर्यवंशी, मिलिंद देवधर, जयवंत पाठक यांचेशी संपर्क साधावा असे आवाहन करण्यात आले आहे.
