मुंबई , 7 मार्च (हिं.स.)।मुंबईतील पार्ले समूहाच्या अनेक ठिकाणांवर आयकर विभागानं आज शुक्रवारी छापा टाकल्याची माहिती समोर आलीये. पार्ले ग्रुप ही पार्ले-जी, मोनॅको आणि इतर ब्रँड नावानं बिस्किटांची विक्री करणारी कंपनी आहे.
मुंबईतील कंपनीच्या अनेक ठिकाणी शुक्रवार( दि. ७)सकाळपासूनच आयकर विभागानं छापा टाकला. आयकर विभागाच्या फॉरेन अॅसेट्स युनिट आणि मुंबईच्या इन्कम टॅक्स इन्व्हेस्टिगेशन विंगकडून हे छापे टाकण्यात आलेत. परंतु हे छापे का टाकण्यात आलेत याची माहिती मात्र समोर आलेली नाही. तपास पूर्ण झाल्यानंतर याच्या कारणांचा खुलासा होऊ शकतो. सध्या आयकर विभागाकडून तपास सुरू असल्याची माहिती समोर आलीये.
मीडिया रिपोर्टनुसार, पार्ले समूहाचे आर्थिक वर्ष २०२३ मधील ७४३.६६ कोटी रुपयांवरून आर्थिक वर्ष २०२४ मध्ये त्यांचा नफा दुप्पट होऊन १,६०६.९५ कोटी रुपये झाला आहे. पारलेचं ऑपरेशनल इन्कम २०१८-१९ मध्ये २ टक्क्यांनी वाढून १४,३४९.४ कोटी रुपये झालं. महसुलाबाबत बोलायचे झालं तर तो ५.३१ टक्क्यांनी वाढून १५,०८५.७६ कोटी रुपये झालं आहे. पार्ले बिस्किटाची मागणी अजूनही जोरदार असल्याचं या आकडेवारीवरून दिसून येतं.
