संत मुक्ताई अंतर्धान सोहळ्यासाठी उद्या 12 मे शुक्रवार रोजी होणार  श्री.पांडुरंग पादुका पालखी सोहळ्याचे पंढरपूर हुन मुक्ताईनगर कडे प्रस्थान 

रविवार दि १४ मे रोजी श्री क्षेत्र कोथळी येथे श्री संत मुक्ताबाई अंतर्धान समाधी सोहळा असून या सोहळ्यासाठी श्री पांडुरंगराय पादुका पालखी सोहळा पोहोचेल. संत मुक्ताबाई अंतर्धान समाधी सोहळ्याच्या निमित्ताने कीर्तनाची सेवा संत नामदेव महाराजांचे वंशज ह.भ.प. केशवदास ॐ नामदास यांची होईल तर रात्री संत निवृत्तीनाथ संस्थानचे विश्वस्त ह.भ.प. जयंत महाराज गोसावी यांची कीर्तनाची सेवा होईल.

सोमवार दि. १५ मे रोजी एकादशी निमित्त श्री क्षेत्र कोथळी ते श्री क्षेत्र मुक्ताईनगर दिंडी मिरवणुक होईल. त्यानंतर हा सोहळा श्री क्षेत्र मुक्ताईनगर येथे मुक्कामी विसावेल. मंगळवार दि. १६ मे रोजी सकाळी ९ ते दुपारी १२ द्वादश पारणे सोहळा होईल आणि त्यानंतर श्री पांडुरंगराय पादुका पालखी सोहळ्याचा परतीचा प्रवास सुरु होईल. मलकापूर, मोताळा, बुलढाणा मार्गे हा सोहळा श्रीक्षेत्र चिखली येथील श्री रेणुका माता मंदिरात मुक्कामी पोहोचेल. बुधवार दि. १७ मे रोजी देऊळगांवराजा, जालना, अंबड, गेवराई मार्गे बीड मुक्कामी पोहोचेल. बीड येथील श्री हनुमान मंदिरात पालखी सोहळ्याचा मुक्काम आहे. गुरुवार दि. १८ मे रोजी कुंदलगिरी फाटा, वाशी, बार्शी येथील श्री भगवंत मंदिर, कुर्डुवाडी मार्गे सायंकाळी ६ वाजता हा सोहळा श्री क्षेत्र पंढरपूर येथे पोहोचेल. अशी माहिती पालखी सोहळा प्रमुख सूर्यकांत भिसे यांनी दिली.

मुक्ताईनगर येथे आदिशक्ती संत मुक्ताई अंतर्धान सोहळा यशस्वीेतेसाठीसंस्थान चे अध्यक्ष ॲड रविंद्र भैय्यासाहेब पाटील,  पालखी सोहळा प्रमुख रवींद्र हरणे महाराज, संत मुक्ताई समाधी स्थळ कोथळी व्यवस्थापक उद्धव जूनारे महाराज तसेच संस्थान चे विश्वस्त व फळावरील किर्तनकार , फडकरी ,टाळकरी मंडळी परिश्रम घेत आहे.