Minister Throws Stone: सध्या राजकारण्यांचा केव्हा संयंम सुटेल सांगता येत नाही. नेत्याची जीभ घसरत बेताल वक्तव्याच्या बातम्या आपण नेहमीच वाचतो. अशात सोशल माीडीयात एक व्हिडीओ चांगलाच चर्चेत आला आहे. तमिळनाडूचे मंत्री एस. एम. नासर यांचा हा व्हिडीओ असून त्यांनी तिरुवल्लूरमध्ये DMK कार्यकर्त्यावर दगडफेक केली. त्यांचा व्हिडिओ सोशल मीडियावर व्हायरल होत आहे.
काय आहे व्हिडिओमध्ये
#WATCH | Tamil Nadu Minister SM Nasar throws a stone at party workers in Tiruvallur for delaying in bringing chairs for him to sit pic.twitter.com/Q3f52Zjp7F
— ANI (@ANI) January 24, 2023
7 सेकंदाच्या या व्हिडिओमध्ये नासार एका मोकळ्या जागेत उभे आहे. त्यांच्या मागे काही लोकही दिसत आहेत. नासार हे एका व्यक्तीवर चांगले रागावले असल्याचे व्हिडीओत दिसत आहे. अचानक त्यांचा संयम सुटतो आणि त्यांनी द्रमुकच्या कार्यकर्त्यावर दगड फिरकवला. वास्तविक, मंत्र्यांना बसण्यासाठी खुर्ची आणण्यास कार्यकर्त्याने उशीर केल्याने मंत्री संतप्त झाले आणि त्यांनी हे कृत्य केले.
एसएम नासर हे दूध आणि दुग्धविकास मंत्री आहेत. केंद्र सरकारने दुधावर वस्तू आणि सेवा कर (जीएसटी) लागू केल्याची चुकीची माहिती पसरवून ते गेल्या वर्षी चर्चेत आले होते.
मंत्री महोदय म्हणाले होते, केंद्र सरकारने दुधावरही जीएसटी लावला. हा अभूतपूर्व निर्णय आहे. दुधावर जीएसटी लागू झाल्याने दुधाचे दर वाढले आहेत. त्यानंतर भाजपने द्रमुकच्या या मंत्र्यावर जोरदार हल्ला चढवला होता. एसएम नासर यांच्यावर हल्ला करताना, तामिळनाडू भाजपचे अध्यक्ष के अन्नामलाई म्हणाले होते की, त्याना हे ही माहीत नाही की, दूध जीएसटीच्या कक्षेबाहेर आहे.
