संत मुक्ताई पालखीचे उद्या शुक्रवारी पंढरपूरकडे प्रस्थान

मुक्ताई पालखी सोहळा पुस्तकाचे संत तुकाराम महाराजांचे वंशज बापूसाहेब मोरे महाराज यांच्या हस्ते  होणार प्रकाशन 

यंदा संत मुक्ताईचे समाधी सप्त शतकोत्तर वर्ष आहे. त्यामुळे वारीत भाविकांची संख्या वाढेल, असा कयास आहे. त्यादृष्टीने नियोजन सुरु आहे. संत मुक्ताई संस्थानचे अध्यक्ष रवींद्र पाटील, सोहळा प्रमुख रवींद्र महाराज हरणे, व्यवस्थापक उद्धव महाराज जुनारे यांच्या मार्गदर्शनाखाली तयारी सुरु आहे.

 युवा संत तथा संत साहित्याचे अभ्यासक डॉ. तुळशीराम गुट्टे महाराज लिखित संत मुक्ताई पालखी सोहळा पुस्तकाचे  प्रकाशन  शुक्रवार दि. ३ जून २०२२ रोजी सकाळी १० वाजतापालखी सोहळा प्रस्थान पूर्वी  होणार आहे. श्री सिद्धीविनायक मानव कल्याण मिशनतर्फे आयोजित हा कार्यक्रम  मुक्ताई नगर, कोथळी येथील संत मुक्ताई मंदीर येथे होणार आहे.  राज्यभरातील भाविक सोहळयात सहभागी होणार आहेत.

संत तुकाराम महाराजांचे वंशज बापूसाहेब मोरे महाराज यांच्या हस्ते पुस्तक प्रकाशित होणार आहे. यापूर्वी  डॉ.गुट्टे महाराज यांची ६  पुस्तके प्रकाशित झाली असून, हे ७ वे पुस्तक आहेत. त्यात ओंकारेश्वर दर्शन, शंकराचे बिल्वदल, श्री गणेश स्तुती, यशस्वी जीवनाचा मार्ग, संत केदारी महाराजांची पंचक्रोशितील महती आणि “मुक्ताई जाहली प्रकाश” या पुस्तकांचा समावेश आहे. तर द पाथवे  टू ए सक्सेसफुल लाइफ हे इंग्रजी भाषेतील पुस्तकाचा समावेश आहे.