शेतकऱ्यांना प्राधान्याने खतांचा पुरवठा करावा – आमदार चंद्रकांत पाटील
खतांची चढ्या भावाने विक्री करणाऱ्यांवर कारवाई करा
मुक्ताईनगर :- शेतकरी बांधवांच्या मागणीप्रमाणे युरिया , डी ए पी व १०:२६:२६ या रासायनिक खतांचा पुरवठा वेळेत व्हावा, कुठेही लिंकिंग होऊ नये तसेच प्राप्त खतांच्या साठ्याची माहिती यासाठी कृषी विभाग व स्थानिक प्रशासनाची आढावा बैठक आमदार चंद्रकांत पाटील पाटील यांच्या अध्यक्षतेखाली शासकीय विश्रामगृह मुक्ताईनगर आज दि.१५ जुलै २०२३ शनिवार रोजी पार पडली.
यावेळी जळगाव जिल्हा परिषदेचे जिल्हा कृषी अधिकारी राहुल महाजन, कृषी विकास अधिकारी जळगाव सुरज जगताप, तहसीलदार रावेर बंडू कापसे प्रभारी तहसीलदार,मुक्ताईनगर निकेतन वाळे, रावेर तालुका कृषी अधिकारी भाऊसाहेब वाळके, बोदवड तालुका कृषी अधिकारी सी.जी पाडवी, मुक्ताईनगर तालुका कृषी अधिकारी अभिनव माळी, कृषी अधिकारी पंचायत समिती रावेर एस ए पाटील, कृषी अधिकारी पंचायत समिती मुक्ताईनगर धीरज हिवराळे कृषी अधिकारी पंचायत समिती बोदवड प्रदीप धांडे, संगायो समितीचे अध्यक्ष अनंतराव देशमुख आदींची उपस्थिती होती.
