आमदार चंद्रकांत पाटील यांच्या आमदार निधीतून दिव्यांगांसाठी साहित्य उपलब्ध होणार !
उपजिल्हा रुग्णालय,मुक्ताईनगर येथे आवश्यक कागदपत्रांसह तपासणीसाठी शनिवारी १२ नोव्हेंबर रोजी दिव्यांग बांधवांना उपस्थितीचे आवाहन !!
चंद्रकांत पाटील, आमदार मुक्ताईनगर यांच्या आमदार स्थानिक विकास निधी २०२२-२३ अंतर्गत मतदार संघातील दिव्यांग बांधवांना सहाय्यक साहित्य वितरीत करण्यात येणार आहे. सदर योजनेतून दिव्यांगाचे सर्वांगीण शारीरिक पुनर्वसन होण्याच्या उद्देशाने सर्व प्रकारचे सहाय्यक साहित्य, कृत्रिम अवयव व सहाय्यक उपकरणे जसे की तीनचाकी सायकल, व्हील चेअर, कर्णयंत्रे, कुबड्या, वॉकर, अंधकाठी, कृत्रिम पाय, कॅलीपर इ. उपलब्ध होणार आहे.सदर योजनेतून लाभार्थीना लाभ मिळणेसाठी व पात्र लाभार्थींची निवड करण्यासाठी जिल्हा रुग्णालय जळगाव तर्फे तपासणी शिबिराचे आयोजन दिनांक १२ नोव्हेंबर २०२२ शनिवार रोजी उपजिल्हा रुग्णालय मुक्ताईनगर येथे सकाळी १० ते दुपारी २ या वेळेत करण्यात येत आहे.
तरी मतदार संघातील गरजू दिव्यांग व्यक्तींनी सदर तपासणी शिबिरास उपस्थित राहावे, असे आवाहन आमदार चंद्रकांत पाटील यांच्या वतीने करण्यात आले आहे.
*सूचना*
तपासणी शिबिरास येतांना खालील कागदपत्रे सोबत आणणे आवश्यक आहे.
*१. दिव्यांग प्रमाणपत्राच्या ४ झेरॉक्स प्रती*
*२. आधार कार्डच्या ४ झेरॉक्स प्रती*
*३. पासपोर्ट फोटो ४ प्रती.*
